Grunnnámskeið fyrir aðstoðardómara þriðjudaginn 2. febrúar
Mynd - fotbolti.net - Hafliði Breiðfjörð
Grunnnámskeið fyrir aðstoðardómara verður haldið þriðjudaginn 2. febrúar í höfuðstöðvum KSÍ 3. hæð og hefst það kl. 17:00.
Frosti Viðar Gunnarsson fyrrverandi FIFA aðstoðardómari mun fara yfir ýmis lykilatriði í aðstoðardómgæslunni.
Þetta er ellefta árið í röð sem þetta námskeið er haldið og hvetjum við þá sem ekki hafa mætt til þessa að láta sjá sig.
Námskeiðið er ætlað öllum starfandi aðstoðardómurum sem áhuga hafa á því að bæta sig í starfi.
Ókeypis aðgangur er á námskeiðið, sem stendur yfir í um tvær klukkustundir og er öllum opið sem náð hafa 15 ára aldri.
Vegna samkomutakmarkana er fjöldi þátttakenda á námskeiðinu þó takmarkaður við 20 (að kennara meðtöldum). Grímuskylda er við komu og brottför, en ekki á námskeiðinu sjálfu þar sem hægt er að tryggja viðeigandi fjarlægðarmörk.
.jpg?proc=760)
.jpg?proc=760)
