Íslensk landslið í úrslitakeppnum um árabil
Árangur íslenskra landsliða í knattspyrnu er ekki einstakt skammtíma fyrirbæri.
A landslið kvenna var á meðal þátttökuliða í lokakeppnum EM í Finnlandi 2009, Svíþjóð 2013, Hollandi 2017 og hefur nú tryggt sér sæti í fjórðu lokakeppni EM í röð, á Englandi 2022 og stefnan hefur þegar verið sett á HM 2023 í Ástralíu og Nýja-Sjálandi.
A landslið karla var mjög nálægt því að komast á HM 2014 í Brasilíu, komst eins og frægt er í lokakeppni EM 2016 í Frakklandi og lokakeppni HM 2018 í Rússlandi og var hársbreidd frá því að komast á þriðja stórmótið í röð, EM 2021 sem leikið verður víðs vegar um Evrópu. Stefnan hefur verið sett á lokakeppni HM 2022 í Katar.
U21 landslið karla lék í lokakeppni EM U21 í Danmörku 2011 og hefur nú tryggt sér þátttökurétt í lokakeppni EM 2021 í Slóveníu og Ungverjalandi.
Hér að neðan má sjá yfirlit árangurs íslenskra knattspyrnulandsliða síðustu 20 árin.
- HM A kvenna 2003 í Bandaríkjunum: Ísland í undanúrslitaleikjum umspils um sæti í úrslitakeppni.
- EM A kvenna 2005 á Englandi: Ísland í umspilsleikjum um sæti í úrslitakeppni.
- EM U17 karla í Belgíu 2007: Ísland í úrslitakeppni.
- EM U19 kvenna 2007 á Íslandi: Ísland í úrslitakeppni.
- EM A kvenna 2009 í Finnlandi: Ísland í úrslitakeppni.
- EM U19 kvenna 2009 í Hvíta-Rússlandi: Ísland í úrslitakeppni.
- EM U21 karla 2011 í Danmörku: Ísland í úrslitakeppni.
- EM U17 kvenna 2011 í Sviss: Ísland í úrslitakeppni.
- EM U17 karla 2012 í Slóveníu: Ísland í úrslitakeppni
- EM A kvenna 2013 í Svíþjóð: Ísland í úrslitakeppni.
- HM A karla 2014 í Brasilíu: Ísland í umspilsleikjum um sæti í úrslitakeppni.
- EM U17 kvenna 2015 á Íslandi: Ísland í úrslitakeppni.
- EM A karla 2016 í Frakklandi: Ísland í úrslitakeppni.
- EM A kvenna 2017 í Hollandi: Ísland í úrslitakeppni.
- HM A karla 2018 í Rússlandi: Ísland í úrslitakeppni.
- EM U17 karla 2019 á Írlandi: Ísland í úrslitakeppni.
- EM A karla 2021 í Evrópu: Ísland í úrslitaleik umspils um sæti í úrslitakeppni
- EM U21 karla 2021 í Slóveníu og Ungverjalandi: Ísland í úrslitakeppni.
- EM A kvenna 2022 á Englandi: Ísland í úrslitakeppni
