Tengiliður KSÍ við fatlaða stuðningsmenn landsliða
KSÍ óskar eftir umsóknum í hlutverk tengiliðs við fatlaða stuðningsmenn landsliða (Disability Access Officer - DAO). Tengiliður við fatlaða stuðningsmenn er sjálfboðaliði og þiggur ekki laun fyrir.
Um hlutverkið:
Tengiliður við fatlaða stuðningsmenn landsliða (Disability Access Officer – DAO) heldur utan um stuðning/aðstoð við fatlaða stuðningsmenn. DAO fylgist með því að boðið sé upp á aðgengilega aðstöðu og þjónustu á landsleikjum, s.s. aðgengi að viðburðinum sjálfum (miðar og annað), aðgengi að salerni, aðgengi að veitingum og annarri aðstöðu og þjónustu. DAO þarf einnig að fylgjast með því að aðgengi að upplýsingum sé eins og best verður á kosið. DAO starfar í nánum tengslum við öryggisstjóra í aðdraganda leikja og á leikdegi eins og þörf er talin á.
DAO situr/sækir fræðsluviðburði og vinnustofur m.a. á vegum UEFA og/eða CAFE (Centre for Access to Football in Europe).og er tengill KSÍ við DAO hjá öðrum knattspyrnusamböndum, auk þess að sinna fræðslu og upplýsingagjöf um málefni fatlaðra stuðningsmanna á knattspyrnuleikjum innanlands til aðildarfélaga KSÍ eða annarra.
Áhugasamir eru hvattir til að hafa samband við Ómar Smárason, deildarstjóra samskiptadeildar KSÍ (omar@ksi.is).
Mynd: Hafliði Breiðfjörð, Fótbolti.net
