2242. fundur stjórnar KSÍ - 7. október 2020
2242. fundur stjórnar Knattspyrnusambands Íslands var haldinn miðvikudaginn 7. október 2020 og hófst kl. 16:00. Fundurinn fór fram með fjarfundarbúnaði.
Mættir: Guðni Bergsson formaður, Gísli Gíslason varaformaður, Borghildur Sigurðardóttir varaformaður, Ásgeir Ásgeirsson, Haraldur Haraldsson, Ingi Sigurðsson, Magnús Gylfason, Ragnhildur Skúladóttir, Valgeir Sigurðsson og Þorsteinn Gunnarsson.
Mættir varamenn: Þóroddur Hjaltalín og Guðjón Bjarni Hálfdánarson.
Mættir fulltrúar landshluta: Björn Friðþjófsson og Bjarni Ólafur Birkisson.
Mættur framkvæmdastjóri: Klara Bjartmarz sem ritaði fundargerð.
Forföll: Jóhann K. Torfason varamaður í stjórn, Tómas Þóroddsson fulltrúi Suðurlands og Jakob Skúlason fulltrúi Vesturlands.
Þetta var gert:
1 Fundargerð síðasta stjórnarfundar var þegar samþykkt á rafrænan hátt á milli funda af öllum stjórnarmönnum sambandsins.
2 Fjármál
2.1 Stórn KSÍ samþykkti á rafrænan hátt milli funda að fyrirframgreiða að hluta, ef félög þess óska, væntanlegan barna- og unglingastyrk UEFA til félaga í Pepsi Max deild karla að upphæð allt að kr. 4.000.000.
2.2 Fulltrúar stjórnar KSÍ hafa fundað undanfarið með fulltrúum félaganna og ÍTF um fjármál félaganna og KSÍ.
2.3 Óvissa um fjármál KSÍ er mikil, m.a. vegna óvissu um tekjur vegna landsleikja. Allar frekari ákvarðanir um fjármál bíða þar til staðan verður skýrari.
3 Mótamál
3.1 Stjórn KSÍ ræddi ítarlega um mótamál og samþykkti eftirfarandi bókun: Vegna aðstæðna í samfélaginu og hertra aðgerða yfirvalda til að sporna við útbreiðslu kórónuveirufaraldursins samþykkti stjórn KSÍ að fresta mótahaldi innanlands í öllum aldursflokkum í eina viku. Knattspyrnuhreyfingin hefur á síðustu mánuðum leitast við að fylgja reglum og tilmælum heilbrigðisyfirvalda og gripið til sóttvarnaraðgerða til þess að æfingar og keppni í mótum – allra aldursflokka - gætu farið fram á sem öruggastan máta. Ákvörðun KSÍ er tekin vegna almannahagsmuna og tilmæla sóttvarnarlæknis en stjórnin mun endurmeta stöðu mála í næstu viku. Markmið stjórnar KSÍ um að ljúka keppni samkvæmt mótaskrá stendur enn sem komið er óhögguð þrátt fyrir frestanir leikja. Því er sem fyrr beint til aðildarfélaga að þau gæti að ítrustu sóttvarnarreglna í allri sinni starfsemi eins og við á.
4 Landsliðsmál
4.1 Magnús Gylfason formaður landsliðsnefndar A karla fór yfir undirbúning liðsins fyrir heimaleikina þrjá sem framundan eru.
4.2 Gísli Gíslason formaður landsliðsnefndar U21 karla fór yfir undirbúning liðsins fyrir leikina tvo sem framundan eru.
5 Nýr þjóðarleikvangur/Laugardalsvöllur
5.1 Guðni Bergsson formaður KSÍ upplýsti stjórn um stöðu mála varðandi nýjan þjóðarleikvang í knattspyrnu.
6 Önnur mál
6.1 Þorsteinn Gunnarsson formaður starfshóps um útbreiðslumál gaf skýrslu um Molaverkefnið 2020 sem er nýlokið. Verkefnið gekk mjög vel, en Moli heimsótti um 30 staði og hitti 500-700 áhugasöm börn. Stjórn einhuga um að halda verkefninu áfram að ári.
6.2 Þóroddur Hjaltalín formaður dómaranefndar upplýsti stjórn um að í fyrsta sinn væri íslenskur dómarakartett eingöngu skipaður konum á leið í verkefni erlendis. Stjórn fagnaði fréttunum og óskar þeim alls hins besta.
6.3 Stjórn KSÍ samþykkti að skipa eftirfarandi í starfshóp um fjölgun í Pepsi Max deild karla (þingskjal 10b frá ársþingi KSÍ 2020):
- Björn Friðþjófsson, KSÍ
- Harpa Þorsteindóttir, KSÍ
- Klara Bjartmarz, KSÍ
- Valgeir Sigurðsson, KSÍ
- Vignir Már Þormóðsson, KSÍ
- Birgir Jóhannsson, ÍTF
- E. Börkur Edvardsson, ÍTF
- Haraldur Haraldsson, ÍTF
- Orri Hlöðversson, ÍTF
Næsti fundur verður sem fyrst eftir komandi helgi vegna óvissu í mótamálum.
Fleira var ekki á dagskrá og var fundi slitið kl. 17:40.