KR mætir Flora Tallinn á fimmtudag
Íslandsmeistarar KR mæta Flora Tallinn frá Eistlandi í 2. umferð forkeppni Evrópudeildar UEFA á fimmtudag. Leikurinn fer fram á Lilleküla Stadium í Tallinn og hefst kl. 16:30 að íslenskum tíma. Leikmannahópur eistneska liðsins er eingöngu skipaður heimamönnum, skv. upplýsingum á vef UEFA og dómarateymi leiksins kemur frá Noregi.
KR-ingar mættu skosku meisturunum í forkeppni Meistaradeildar UEFA í ágúst en biðu lægri hlut í Glasgow og færðust þess vegna yfir í forkeppni Evrópudeildarinnar.
Hægt verður að fylgjast með gangi mála á vef UEFA.
.jpg?proc=760)