Aukafundur stjórnar KSÍ - 13. ágúst 2020
Aukafundur stjórnar KSÍ fimmtudaginn 13. ágúst 2020 kl. 11:00 - fjarfundur í gegnum Teams.
Mætt
Aðalmenn í stjórn: Guðni Bergsson formaður, Gísli Gíslason varaformaður, Borghildur Sigurðardóttir varaformaður, Ásgeir Ásgeirsson, Haraldur Haraldsson, Ingi Sigurðsson, Ragnhildur Skúladóttir, Valgeir Sigurðsson og Þorsteinn Gunnarsson.
Aðrir stjórnarmenn (varamenn í stjórn): Guðjón Bjarni Hálfdánarson og Þóroddur Hjaltalín.
Landshlutafulltrúar: Björn Friðþjófsson (Norðurland).
Fjarverandi
Magnús Gylfason (aðalmaður í stjórn) og Jóhann K Torfason (varamaður í stjórn).
Aðrir fundarmenn
Óskar Örn Guðbrandsson starfsmaður KSÍ og Klara Bjartmarz framkvæmdastjóri KSÍ sem ritaði fundargerð.
------
Dagskrá:
1. Auglýsing heilbrigðisráðherra varðandi nálægðartakmörkun í íþróttum, dagsett 12. ágúst 2020.
a. Guðni Bergsson formaður KSÍ opnaði fundinn og reifaði málið.
b. Óskar Örn Guðbrandsson starfsmaður KSÍ fór yfir reglur um sóttvarnir á æfingum og leikjum.
c. Gísli Gíslason, formaður Laga-og leikreglnanefndar kynnti nýja reglugerð KSÍ um sóttvarnir vegna æfinga, leikja og aðstöðu á leikvöllum og æfingasvæðum.
d. Stjórn KSÍ samþykkti Reglugerð KSÍ um sóttvarnir vegna æfinga, leikja og aðstöðu á leikvöllum og æfingasvæðum með fyrirvara um samþykkt ÍSÍ. Í framhaldinu verður skoðað sérstaklega hvort að unnt sé að einfalda útgáfuna fyrir neðstu deildir/yngri flokka.
e. Framkvæmdastjóra KSÍ var falið að senda reglugerðina tafarlaust til ÍSÍ sem, samkvæmt auglýsingunni, ber að staðfesta reglurnar. Þegar sú staðfesting berst verður gefið út dreifibréf og reglugerðin kynnt. Stjórn KSÍ brýnir fyrir aðildarfélögum sínum mikilvægi þess að þessum reglum verði fylgt í hvívetna. Framvinda Íslandsmóta-og bikarkeppni KSÍ keppnistímabilið 2020 hvílir á því að vandað sé til verka.
f. Stjórn samþykkti að gefa skrifstofu KSÍ umboð til að uppfæra reglugerð KSÍ um aðgönguskírteini á sama veg og gert var í vor þegar fjöldatakmarkanir miðuðust við 500.
2. Önnur mál.
a. Ekkert var á dagskrá undir liðnum önnur mál.
Fleira var ekki á dagskrá og var fundi slitið kl. 11.45.
