KSÍ VI þjálfaranámskeið 2020
(Uppfærð frétt)
Næsta vetur mun Knattspyrnusamband Íslands halda KSÍ VI þjálfaranámskeið. Fyrsti hluti námskeiðsins er leikgreiningarnámskeið laugardaginn 3. október. Síðari hluti námskeiðsins verður svo í Danmörku dagana 18.-24. nóvember 2020. Fræðslunefnd KSÍ mun velja 12 þjálfara til þátttöku á námskeiðinu.
KSÍ A / UEFA A þjálfaragráðan samanstendur af þremur námskeiðum; KSÍ V þjálfaranámskeið, KSÍ VI þjálfaranámskeið og KSÍ VII þjálfaranámskeið. KSÍ VII námskeiðið verður kennt á vorönn 2021.
ATH. Í samræmi við reglugerð UEFA um menntun þjálfara, þá þarf að líða a.m.k. eitt ár frá því að þjálfari klárar UEFA B þjálfaragráðuna þar til að þjálfari hefur nám á UEFA A þjálfaragráðu. Þeir þjálfarar sem kláruðu UEFA B þjálfaragráðuna á vorönn 2020 þurfa því að bíða til 2021 með að sækja um inngöngu á UEFA A þjálfaragráðuna. Þeir þjálfarar sem klára UEFA B þjálfaragráðuna 2020 geta aftur á móti tekið 5. stigs námskeiðið sem haldið verður 6.-8. nóvember 2020.
KSÍ VI námskeiðið kostar 300.000 kr.
Lykildagsetningar og upplýsingar:
- 24. ágúst 2020: Umsækjendur þurfa að ljúka KSÍ A þjálfaraskóla í síðasta lagi 24. ágúst 2020. Ath. það má klára hann fyrir þann tíma. Þeir þjálfarar sem hafa tekið KSÍ A þjálfaraskólann áður, þurfa ekki að gera það aftur. En það er valfrjálst. Allir sem sækja um í fyrsta sinn þurfa hins vegar að taka KSÍ A þjálfaraskólann. Þjálfaraskóli KSÍ kostar 15.000 kr. Upplýsingar um Þjálfaraskóla KSÍ má finna í viðhengi.
- 1. september 2020: Umsóknarfrestur er til þriðjudagsins 1. september 2020. Umsækjendur þurfa því að fylla út umsóknareyðublað (viðhengi). Fræðslunefnd KSÍ mun svo í kjölfarið velja 12 þjálfara til þátttöku á námskeiðinu.
- 3. október 2020: Hópurinn sem valinn verður mun svo hittast laugardaginn 3. október. Þá helgi verður námskeið í leikgreiningu og þátttakendur fá kennslu á Sideline hugbúnaðinn. Þátttakendur fá sinn eigin aðgang að Sideline analyzer í þrjá mánuði og Sideline organizer í eitt ár og er það innifalið í námskeiðgjaldinu.
- 6.-8. nóvember 2020: Umsækjendur þurfa að hafa lokið KSÍ V þjálfaranámskeiði. Hins vegar geta þeir þjálfarar sem eiga eftir að taka KSÍ V námskeið gert það helgina 6.-8. nóvember 2020 og verið þar með gjaldgengir á KSÍ VI námskeiðið. Þeir þjálfarar þurfa samt sem áður að skila inn umsókn fyrir tiltekin tíma og taka Þjálfaraskólann.
- 18.-24. nóvember 2020: Miðvikudaginn 18. nóvember verður haldið til Kaupmannahafnar. Heimsóttir verða tveir klúbbar í ferðinni. Gott samstarf hefur myndast við FC Nordsjælland á undanförnum árum og verður mestum tíma varið þar á bæ. Komið er heim að kvöldi 24. nóvember.
- 15. desember 2020: Þremur vikum eftir að heim er komið verður skriflegt próf þar sem prófað er úr námsefni af KSÍ V og KSÍ VI.
- Stór hluti námskeiðsins verður helgaður áætlunargerð. Þátttakendur þurfa að vinna æfingaáætlun fyrir sitt lið.
KSÍ VI þjálfaranámskeiðið er hluti af UEFA A þjálfaragráðunni en þjálfarar í Pepsi Max deildum karla og kvenna, Lengjudeildum deild karla og kvenna, 2. deild karla og yfirþjálfarar unglingastarfs félaga í þessum deildum þurfa að hafa UEFA A þjálfaragráðu samkvæmt reglugerð KSÍ um menntun þjálfara og leyfisreglugerðar. Reglugerð KSÍ um menntun knattspyrnuþjálfara má sjá undir hlekknum hér að neðan.
Hér að neðan er hlekkur á umsókn að KSÍ VI þjálfaranámskeiðinu, dagskrá síðasta KSÍ VI námskeiðs sem haldið var í Danmörku 2019, upplýsingar um Þjálfaraskóla KSÍ, reglugerð KSÍ um menntun knattspyrnuþjálfara og útskýring á uppbyggingu þjálfaranámskeiða.
Á námskeiðinu er 100% mætingarskylda og það er bæði bóklegt og verklegt. Þátttakendur gætu þurft að taka þátt í verklegum tímum. Á námskeiðinu kenna kennarar frá KSÍ og erlendir fyrirlesarar. Hluti námskeiðsins fer fram á ensku.
Dagskrá námskeiðsins er í vinnslu og verður gefin út þegar nær dregur.
Allar nánari upplýsingar um námskeiðið veita Dagur Sveinn Dagbjartsson í dagur@ksi.is og Arnar Bill Gunnarsson í arnarbill@ksi.is.
Mynd - fotbolti.net - Hafliði Breiðfjörð
Reglugerð um menntun knattspyrnuþjálfara (ágúst 2019)
.jpg?proc=760){kind=logo}
.jpg?proc=760)
