Jákvætt sýni hefur mögulega áhrif á næstu umferðir
Fréttatilkynning frá Almannavörnum birt 25.6.2020
Í dag greindist íslensk knattspyrnukona í efstu deild með jákvætt sýni í COVID-19 sýnatöku. Hún kom til landsins 17. júní sl. og reyndist sýnataka á landamærum neikvæð. Síðar kom í ljós að hún hafði verið í nánd við smitaðan einstakling erlendis og fór því aftur í sýnatöku. Sú sýnataka reyndist jákvæð. Sem stendur er hún einkennalaus. Allir sem hafa verið útsettir fyrir smiti í samskiptum við hana síðastliðna tvo sólarhringa þurfa að fara í sóttkví í 14 daga. Smitrakning er í gangi en ljóst er að margir þurfa að fara í sóttkví. Málið er í vinnslu og frekari upplýsinga er að vænta á morgun.
Frá KSÍ:
Breiðablik og KR mættust í Pepsi Max deild kvenna 23. júní síðastliðinn. Leikmaðurinn sem um ræðir í fréttatilkynningu Almannavarna tók þátt í þeim leik. Mögulegt er að þetta muni hafa áhrif á næstu umferðir í deildinni. KSÍ mun nú skoða næstu skref og gefa út viðeigandi tilkynningu um framvindu mótsins eins fljótt og mögulegt er.
Uppfært:
Selfoss og Breiðablik mættust í Pepsi Max deild kvenna 18. júní. Fram kemur í fréttatilkynningu Almannavarna að málið nái eingöngu til einstaklinga „sem hafa verið útsettir fyrir smiti í samskiptum við hana (innsk. leikmanninn) síðastliðna tvo sólarhringa.“ Málið nær því ekki til leiks Selfoss og Breiðabliks.
.jpg?proc=760)
.jpg?proc=760)
