.jpg?proc=1152)
Ísland í 19. sæti á nýjum heimslista FIFA
Ísland er í 19. sæti á nýjum heimslista FIFA sem gefinn hefur verið út og fellur um eitt sæti frá síðustu útgáfu.
Síðan síðasta útgáfan var gefin út hefur liðið leikið þrjá leiki, alla á Pinatar Cup. Ísland vann þar sigur gegn Norður Írlandi og Úkraínu, en tapaði naumlega gegn Skotlandi.
Liðið átti að mæta Ungverjalandi og Slóvakíu í apríl, en þeim leikjum hefur verið frestað í ljósi Covid-19. Næstu leikir eru því tveir heimaleikir í byrjun júní, gegn Lettlandi og Svíþjóð.
