Eins marks sigur á Úkraínu
A landslið kvenna vann eins marks sigur á Úkraínu, en liðin mættust í lokaumferð Pinatar-mótsins á Spáni í dag, þriðjudag. Eina mark leiksins gerði Gunnhildur Yrsa Jónsdóttir á 34. mínútu, þegar hún kom knettinum í netið eftir eftir mikla sókn íslenska liðsins að marki Úkraínu.
Jafnræði var með liðunum lengst af í leiknum þó íslenska liðið hafi verið ívið sterkara og náð að ógna marki úkraínska liðsins í nokkur skipti eftir vel útfærðar sóknir. Sem fyrr segir var það mark Gunnhildar Yrsu sem skildi liðin að og var þetta tíunda mark hennar fyrir A landsliðið.
Ísland hafnar í öðru sæti eftir 1-0 sigra gegn Norður-Írlandi og Úkraínu og 0-1 tap gegn Skotlandi. Innbyrðis viðureign Íslands og Skotlands ræður því að skoska liðið hafnar í efsta sæti, burtséð frá því hver úrslitin verða í leik Skota og Norður-Íra.
Mynd: Byrjunarlið Íslands gegn Úkraínu
.jpg?proc=760)
.JPG?proc=760)
.JPG?proc=760)
