• mið. 04. mar. 2020
  • Landslið
  • A kvenna

1-0 sigur gegn Norður Írlandi á Pinatar Cup

Ísland vann 1-0 sigur gegn Norður Írlandi í fyrsta leik liðsins á Pinatar Cup, en það var Dagný Brynjarsdóttir sem skoraði eina mark leiksins.

Leikurinn var nokkuð jafn, en það var á 24. mínútu sem fyrsta, og eina, mark leiksins leita dagsins ljós. Þar var að verki Dagný Brynjarsdóttir sem setti boltann yfir markvörðu Norður Íra með góðu skoti.

Þrír leikmenn léku sinn fyrsta leik fyrir A landslið kvenna í dag, en það eru þær Cecilía Rán Rúnarsdóttir, Natasha Anasi og Hildur Antonsdóttir.

Ísland mætir Skotlandi næst á laugardag og hefst sá leikur kl. 14:00 og verður í beinni útsendingu á miðlum KSÍ.