Ólöglegur leikmaður í Lengjubikar meistaraflokks karla
Mynd - fotbolti.net - Hafliði Breiðfjörð
Skrifstofa KSÍ hefur staðfest að Grindavík tefldi fram ölöglegu liði gegn HK í leik í Lengjubikar meistaraflokks karla, sem fram fór 15. febrúar síðastliðinn. Úrslitum leiksins er því breytt, í samræmi við grein 40.1 í reglugerð KSÍ um knattspyrnumót, og HK dæmdur 3-0 sigur.
Í reglugerðum KSÍ um deildarbikarkeppni karla og kvenna, greinum 10.1 og 11.2 segir:
10. SEKTIR
10.1 Lið, sem mætir ólöglega skipað til leiks, skal sæta sekt að upphæð kr. 30.000 og að auki kr. 30.000 fyrir hvern leikmann sem ekki hefur keppnisleyfi með viðkomandi félagi og tekur þátt í leiknum. Félag, sem notar leikmann, þjálfara eða forystumann í leikbanni, skal sæta sektum að upphæð kr. 100.000.
11. STJÓRN KEPPNINNAR
11.2 Félag, sem notar leikmann sem ekki hefur keppnisleyfi með því eða notar leikmann, þjálfara eða forystumann í leikbanni, telst hafa tapað leiknum með markatölunni 0-3 nema tap hafi verið stærra, þá skal sú markatala ráða. Staðfesti skrifstofa KSÍ að þátttakandi hafi verið óhlutgengur í leik skal mótanefnd þegar í stað skrá úrslit leiksins skv. ofangreindu og tilkynna það viðkomandi félögum. Heimilt er að kæra slíka skráningu til aga- og úrskurðarnefndar KSÍ og skal kærufrestur telja frá þeim degi sem tilkynningin er gefin út.
Neðangreindur leikmaður lék ólöglegur með Grindavík:
Nafn leikmanns: Guðmundur Magnússon
Mót: Lengjubikarinn – A deild karla riðill 3
Leikur: HK – Grindavík
Dagsetning: 15. 02. 2020
Ástæða: Leikmaður skráður í ÍBV.
Ástæða: Leikmaðurin
Í samræmi við ofangreinda reglugerð er Grindavík sektað um kr. 60.000.-
Úrslitum leiksins er snúið 3 – 0 HK í hag.
.jpg?proc=760)