Kosningar í stjórn á 74. ársþingi KSÍ
Framboð til stjórnar KSÍ skal skv. 15. grein laga KSÍ berast skrifstofu KSÍ skriflega minnst hálfum mánuði fyrir þing eða í síðasta lagi 8. febrúar nk. Kjörnefnd er þó heimilt að samþykkja framboð sem fram kemur síðar ef nægjanlegur fjöldi hefur ekki tilkynnt framboð sitt innan tilkynningarfrests.
Stjórn KSÍ er kosin á knattspyrnuþingi og skal kosning fara þannig fram:
Kosning formanns annað hvert ár til tveggja ára í senn.
Kosning 4ra manna í aðalstjórn til tveggja ára en fjórir menn ganga úr stjórn á hverju ári.
Kosning 3ja manna til varamanna í stjórn til eins árs.
Kosning 4ra fulltrúa frá landsfjórðungunum í stjórn til tveggja ára.
Kosning 4ra fulltrúa frá landsfjórðungunum til vara til tveggja ára.
Kosning formanns
Guðni Bergsson var kjörinn formaður KSÍ til tveggja ára á 73. ársþingi KSÍ í febrúar 2019. Tveggja ára kjörtímabili Guðna sem formanns lýkur á 75. ársþingi KSÍ árið 2021.
Kosning í stjórn
Tveggja ára kjörtímabili eftirtaldra í stjórn KSÍ lýkur á 74. ársþingi KSÍ 22. febrúar nk.:
Gísli Gíslason, Akranesi
Ingi Sigurðsson, Vestmannaeyjum
Ragnhildur Skúladóttir, Reykjavík
Valgeir Sigurðsson, Garðabæ
Gísli Gíslason, Ingi Sigurðsson, Ragnhildur Skúladóttir og Valgeir Sigurðsson gefa kost á sér til áframhaldandi stjórnarsetu.
Auk ofangreindra sitja í stjórn (tveggja ára kjörtímabili þeirra lýkur í febrúar 2021):
Ásgeir Ásgeirsson, Reykjavík
Borghildur Sigurðardóttir, Kópavogi
Magnús Gylfason, Hafnarfirði
Þorsteinn Gunnarsson, Mývatnssveit
Kosning varamanna í stjórn
Eins árs kjörtímabili varamanna í stjórn lýkur á 74. ársþingi KSÍ 22. febrúar nk.:
Þóroddur Hjaltalín, Akureyri
Jóhann Torfason, Ísafirði
Guðjón Bjarni Hálfdánarson, Árborg
Allir ofangreindir gefa kost á sér til áframhaldandi setu sem varamenn í aðalstjórn.
Kosning aðalfulltrúa landsfjórðunga
Eins árs kjörtímabili aðalfulltrúa landsfjórðunganna lýkur á 74. ársþingi KSÍ 22. febrúar nk.:
Jakob Skúlason, Vesturland
Björn Friðþjófsson, Norðurland
Bjarni Ólafur Birkisson, Austurland
Tómas Þóroddsson, Suðurland
Jakob Skúlason, Björn Friðþjófsson, Bjarni Ólafur Birkisson og Tómas Þóroddsson gefa kost á sér til áframhaldandi setu í stjórn sem aðalfulltrúar landsfjórðunga.
Minnt er á ný ákvæði í 15. grein laga KSÍ:
15.2.
Þeir sem bjóða sig fram til embætta sem kosið er um samkvæmt grein 15.1. skulu vera lögráða, fjár síns ráðandi og mega ekki á síðustu þremur árum hafa hlotið dóm fyrir refsiverðan verknað samkvæmt almennum hegningarlögum eða lögum um hlutafélög, einkahlutafélög, bókhald, ársreikninga eða skattalögum. Óheimilt er að velja einstaklinga sem vitað er til að hafi hlotið refsidóma vegna brota á ákvæðum XXII. kafla almennra hegningarlaga, nr. 19/1940 til starfa innan íþróttahreyfingarinnar.
15.3.
Sá sem býður sig fram til formanns eða stjórnar skulu hafa skrifleg meðmæli aðildarfélaga sem fara samanlagt með a.m.k. 12 atkvæði á knattspyrnuþingi.
Með tilkynningu um framboð er óskað eftir stuttri ferilskrá til birtingar á heimasíðu KSÍ. Í samræmi við ákvörðun kjörnefndar skulu framboð ásamt skriflegum meðmælum á þar til gerðu eyðublaði, send með tölvupósti til framkvæmdastjóra KSÍ, klara@ksi.is í síðasta lagi þann 8. febrúar næstkomandi.
