.jpg?proc=1152)
U17 karla - Ísland mætir Tadsíkistan á sunnudag
Mynd - fotbolti.net - Hafliði Breiðfjörð
U17 ára landslið karla mætir Tadsíkistan á sunnudag í fyrsta leik liðsins á móti í Hvíta Rússlandi.
Leikurinn hefst kl. 12:20 að íslenskum tíma og verður hægt að horfa á hann í beinni útsendingu á Youtube rás knattspyrnusambands Hvíta Rússlands.
Liðin mættust í fyrsta sinn á sama móti fyrir ári, en Ísland vann þann leik 2-1.
Ísrael og Georgía eru hin tvö liðin í riðlinum, en Ísland mætir Georgíu á þriðjudag og Ísrael á fimmtudag.
