74. ársþing KSÍ haldið á Ólafsvík 22. febrúar 2020 - Upplýsingar
74. ársþing KSÍ verður haldið í félagsheimilinu Klifi, Ólafsvík 22. febrúar 2020.
Þess má geta að stefnt er að því að á föstudeginum fari fram málþing um tiltekið málefni, eins og gert hefur verið síðastliðin ár.
Sambandsaðilar eru beðnir um að kynna sér eftirfarandi:
1. Skuldir
Aðilar sem vanrækja uppgjör á gjöldum sem greiða skal til KSÍ missa rétt til þingsetu, sbr. gr. 9.6. í lögum KSÍ. Þeim félögum, sem eru í skuld við KSÍ, er bent á að hafa tafarlaust samband við Bryndísi Einarsdóttur, fjármálastjóra KSÍ (bryndis@ksi.is).
2. Tillögur og málefni
Tillögur þær er sambandsaðilar óska eftir að verði teknar fyrir á þingi skulu berast stjórn KSÍ minnst mánuði fyrir þing eða í síðasta lagi miðvikudaginn 22. janúar nk. Haukur Hinriksson lögfræðingur á skrifstofu KSÍ (haukur@ksi.is) tekur við tillögum og veitir aðstoð við uppsetningu þeirra sé þess óskað. Í samræmi við grein 10.1. í lögum KSÍ munu tillögur, sem berast fyrir þingið, vera yfirfarnar af laga- og leikreglnanefnd KSÍ en nefndinni ber að kanna hvort tillögurnar samræmist lagaákvæðum og skuldbindingum knattspyrnusambandsins.
3. Gisting
Sambandsaðilum er bent á að meðal gistimöguleika í Ólafsvík og nágrenni eru:
Hótel Hellissandur
Náttskjól
Lárubúð
Bikers Paradise
Skálholt 6
Við Hafið
Frystiklefinn Rifi
4. Dagskrá
Þingið verður sett kl. 11:00, laugardaginn 22. febrúar og er gert ráð fyrir að því ljúki um kl. 17:00 sama dag. KSÍ býður þingfulltrúum til sameiginlegs kvöldverðar eftir ársþingið. Nákvæm dagskrá verður send sambandsaðilum síðar.
5. Fjöldi fulltrúa
Hjálagður er listi yfir fjölda þingfulltrúa. Sambandsaðilar eru beðnir um að fara yfir listann og gera athugasemdir ef þörf krefur.
Nánari upplýsingar um þingið og tillögur verða sendar til sambandsaðila í janúar.
