.jpg?proc=1152)
U15 karla - 0-3 tap gegn Rússlandi
U15 ára landslið karla tapaði 0-3 fyrir Rússlandi á UEFA móti í Póllandi.
Rússland byrjaði leikinn mun betur og komust í 1-0 strax á 10. mínútu. Eftir markið komst Ísland betur inn í leikinn, áttu nokkrar góðar sóknir og rétt undir lok fyrri hálfleiks var Rúrik Gunnarsson nálægt því að skora en skot hans fór í slánna.
Rússland byrjaði síðari hálfleikinn mun betur og skoruðu strax eftir um 5. mínútna leik. Stuttu síðar komust þeir einir í gegn, en Heiðar Máni Hermannsson varði vel í marki Íslands.
Rússar bættu við einu marki í viðbót rétt undir lok leiksins og 0-3 tap því staðreynd hjá Íslandi.
Strákarnir mæta Póllandi á föstudaginn í síðasta leik liðsins á mótinu og hefst hann kl. 10:00 og verður í beinni textalýsingu á Facebook vef KSÍ.
