U19 kvenna - Úrslitaleikur um efsta sætið
Lokaumferðin í EM riðli U19 kvenna sem fram fer hér á landi fer fram á þriðjudag. Ísland og Spánn eru með fullt hús stiga eftir fyrstu tvær umferðirnar og bæði lið eru komin áfram í milliriðla, en liðin hafa unnið stóra sigra á mótherjum sínum í fyrstu tveimur umferðunum - Grikklandi og Kasakstan. Því er um að ræða hreinan úrslitaleik um efsta sæti riðilsins og von á hörkuleik.
Leikur Íslands og Spánar fer fram á Origo-vellinum að Hlíðarenda og hefst kl. 17:00 (bein útsending á Sport TV). Á sama tíma mætast Kasakstan og Grikkland á Würth-vellinum í Árbæ.
.jpg?proc=760)
