A kvenna mætir Lettlandi á þriðjudag
A landslið kvenna mætir Lettlandi í undankeppni EM 2021 þriðjudaginn 8. október. Leikið er í Lettlandi, á Daugava Stadium í Liepaja, og hefst leikurinn kl. 17:00 að íslenskum tíma. Íslenska liðið er með fullt hús stiga eftir fyrstu tvo leikina, sigra gegn Ungverjalandi og Slóvakíu á Laugardalsvelli. Svíar eru einnig með fullt hús eftir tvo leiki, og mæta Slóvökum á þriðjudag.
Leikurinn verður í beinni sjónvarpssendingu á RÚV, en einnig verður hægt að fylgjast með textalýsingu á UEFA.com.
Mynd með grein: Hafliði Breiðfjörð, Fótbolti.net.
