.jpg?proc=1152)
Breiðablik í 1. riðli í undankeppni Meistaradeildar kvenna
Dregið hefur verið í riðla í undankeppni Meistaradeildar kvenna og verða Íslandsmeistarar Breiðabliks í 1. riðli ásamt SFK 2000 Sarajevo frá Bosníu-Hersegóvínu, ASA Tel-Aviv University SC frá Ísrael og ZFK Dragon 2014 frá Norður-Makedóníu. Drátturinn fór fram í höfuðstöðvum UEFA í Nyon, Sviss í dag, föstudag.
Alls leika 40 lið í 10 riðlum í undankeppninni og kemst sigurvegari hvers riðils áfram í 32-liða úrslit og þar koma til leiks þau 22 lið sem sátu hjá og þurftu ekki að taka þátt í undankeppninni. Tvö af liðunum sem leika í undankeppninni hafa komist í 8-liða úrslit Meistaradeildar kvenna, en það eru LSK sem lék í 8-liða úrslitum á síðasta keppnistímabili og svo Breiðablik, sem náði í 8-liða úrslitin tímabilið 2006/07. Undankeppnin er leikin í hraðmótsformi dagana 7., 10. og 13. ágúst og fer 1. riðill fram í Bosníu-Hersegóvínu.
Mynd með grein: Hafliði Breiðfjörð, Fótbolti.net
.jpg?proc=760)
