Grannaslagir í 16-liða úrslitum Mjólkurbikars karla
Dregið var í 16-liða úrslit Mjólkurbikars karla í höfuðstöðvum KSÍ á föstudag og ljóst að framundan eru spennandi viðureignir - þar á meðal nágrannaslagir af bestu gerð. Suðurnesjaliðin Keflavík og Njarðvík mætast á Nettóvellinum í Keflavík, og Breiðablik tekur á móti nágrönnum sínum úr HK á Kópavogsvelli, en þessi lið mætast einmitt í Pepsi Max deild karla á laugardag. Af öðrum viðureignum má nefna að Völsungar fá KR í heimsókn og Vestramenn mæta Grindvíkingum suður með sjó.
