Mjólkurbikar karla - 2. umferð í vikunni
Mynd - fotbolti.net - Hafliði Breiðfjörð
Mjólkurbikar karla heldur áfram í vikunni, en þá fer 2. umferð keppninnar fram. Leikir hefjast á miðvikudaginn og endar umferðin með leik Völsungs og Tindastóls miðvikudaginn 24. apríl.
Sindri og Leiknir F. hófu leik í 2. umferð um liðna helgi þegar liðin mættust á Sindravöllum á Hornafirði. Um var að ræða fyrsta grasleik tímabilsins.
Dregið verður í 32-liða úrslit keppninnar þriðjudaginn 23. apríl næstkomandi kl. 15:00 í höfuðstöðvum KSÍ.
