• fim. 11. apr. 2019
  • Hæfileikamótun

Hæfileikamótun N1 og KSÍ var á Vestfjörðum

Á þriðjudaginn voru æfingar í Hæfileikamótun N1 og KSÍ á Vestfjörðum.

Æfingarnar fóru fram á gervigrasvellinum á Ísafirði í frábæru veðri, blanka logni og brakandi sól.

Að þessu sinni voru æfingar fyrir alla iðkendur í 4 flokki karla og kvenna á svæðinu og tóku 24 leikmenn þátt.
Eins og vanalega gengu æfingarnar eins og í sögu og voru bæði leikmenn og þjálfarar ánægðir í lok dags.

Atli Freyr Rúnarsson, Daniel Osafo-Badu og Jónas Sigursteinsson, þjálfarar hjá Vestra, voru Lúðvík og Elíasi, þjálfurum í hæfileikamótun, til aðstoðar að þessu sinni og þeim þakkað kærlega fyrir hjálpina.