A kvenna - 3-2 sigur gegn Suður Kóreu
A landslið kvenna vann góðan 3-2 sigur gegn Suður Kóreu í fyrri vináttuleik liðanna af tveimur. Berglind Björg Þorvaldsdóttir skoraði tvö mörk og Rakel Hönnudóttir eitt.
Berglind Björg skoraði fyrsta mark leiksins á 28. mínútu og bætti öðru við rúmlega tíu mínútum síðar. Ísland leiddi því 2-0 í hálfleik.
Suður Kórea minnkaði muninn á 53. mínútu og jafnaði síðan þegar 18 mínútur voru eftir af leiknum. Það var hins vegar Rakel Hönnudóttir sem skoraði síðasta mark leiksins í uppbótartíma og 3-2 sigur Íslands því staðreynd.
Liðin mætast öðru sinni á þriðjudaginn og hefst sá leikur kl. 07:45.
Byrjunarlið Íslands
Sandra Sigurðardóttir (M)
Ásta Eir Árnadóttir
Ingibjörg Sigurðardóttir
Glódís Perla Viggósdóttir
Anna Rakel Pétursdóttir
Andrea Rán Hauksdóttir
Sigríður Lára Garðarsdóttir
Gunnhildur Yrsa Jónsdóttir (F)
Fanndís Friðriksdóttir
Selma Sól Magnúsdóttir
Berglind Björg Þorvaldsdóttir
