U17 karla - 2-1 sigur gegn Slóveníu
U17 ára lið karla vann 2-1 sigur gegn Slóveníu í fyrsta leik liðsins í milliriðli undankeppni EM 2019. Davíð Snær Jóhannsson og Jón Gísli Eydal Gíslason skoruðu mörk Íslands í fyrri hálfleik.
Í hinum leik riðilsins gerðu Þýskaland og Hvíta Rússland 1-1 jafntefli og eru því strákarnir á toppi riðilsins eftir fyrstu umferð.
Ísland mætir næst Þýskalandi og fer leikurinn fram á laugardaginn og hefst hann kl. 11:00 að íslenskum tíma.
Hægt verður að horfa á leikinn í beinni útsendingu á vef þýska knattspyrnusambandsins.
