Niðurstöður markaðsrannsóknar um Pepsi-deildina 2018
Síðasta haust réðist KSÍ í vinnslu stórrar markaðsrannsóknar með það að markmiði að vinna greiningu á aðsókn og umgjörð leikja í Pepsi-deildunum 2018. Zenter rannsóknir tóku að sér verkefnið og var markmiðið að svara ýmsum spurningum um mætingu á leiki, umgjörð og þjónustu á leikvöngum, auglýsingar og umfjöllun um deildina og leiki hennar. Niðurstöður liggja nú fyrir og hér að neðan er stiklað á stóru um ýmsa þætti.
Aðferð og þátttakendur
- 28 spurningar
- Netrannsókn send á 2300 einstaklinga, 18 ára og eldri í könnunarhópi Zenter rannsókna
- Framkvæmdatími: 28. desember 2018 til 8. janúar 2019
- Svarendur: 1364
- Svarhlutfall: 55%
Samantekt – Pepsi-deild karla
- 11% þjóðarinnar fór á leik sl. sumar (7 leiki að meðaltali).
- 22% þjóðarinnar hefur áhuga og fylgdist með deildinni þótt þau hafi ekki farið á leik sl. sumar.
- 42% þjóðarinnar á sér uppáhaldslið
- 79% þeirra sem fóru á leiki sl. sumar segja að upplifun þeirra af umgjörðinni hafi verið mjög góð eða frekar góð.
Kynningar og auglýsingar
- 63% þjóðarinnar finnst staðsetning og tímasetning leikjanna vera nægilega vel kynnt.
- 51% þeirra sem tóku afstöðu telja sig myndu nota app til að kaupa miða, fylgjast með stöðu leikja, o.fl.
Áhrif sjónvarps á mætingu
- 27% þeirra sem tóku afstöðu telja að aukið aðgengi að leikjunum í sjónvarpinu/netinu hafi þau áhrif að þau mæti meira, 36% að það hafi engin áhrif, og 44% að það hafi þau áhrif að þau mæti minna.
