A kvenna - Ísland mætir Portúgal í leiknum um 9. sæti Algarve Cup
Ísland mætir Portúgal í leiknum um 9. sæti á Algarve Cup, en þetta varð ljóst eftir að síðustu umferð riðlakeppninnar lauk. Leikurinn fer fram á miðvikudag og hefst klukkan 14:30 að íslenskum tíma.
Leikurinn verður leikinn í Parchal þar sem báðir leikir Íslands til þessa hafa farið fram.
Liðin hafa mæst átta sinnum. Ísland hefur unnið fimm leiki, einn endað með jafntefli og Portúgal hefur unnið tvo. Liðin mættust síðast á Algarve Cup 2010, en þann leik vann Ísland 3-0. Sex leikmenn sem eru í hópnum í dag voru í hóp 2010, en það eru þær Margrét Lára Viðarsdóttir, Sif Atladóttir, Dagný Brynjarsdóttir, Berglind Björg Þorvaldsdóttir, Rakel Hönnudóttir og Sara Björk Gunnarsdóttir.
Hægt verður að fylgjast með gangi leiksins á miðlum KSÍ.
