Guðrún Inga Sívertsen og Vignir Már Þormóðsson sæmd gullmerki ÍSÍ
Guðrún Inga Sívertsen og Vignir Már Þormóðsson voru sæmd gullmerki ÍSÍ á ársþingi KSÍ.
Það var Hafsteinn Pálsson, ritari framkvæmdastjórnar ÍSÍ, sem sæmdi þau gullmerkinu, en þingið fer fram á Hilton Reykjavík Nordica.
Guðrún Inga og Vignir Már stíga nú til hliðar úr stjórn KSÍ að loknu ársþinginu.Guðrún Inga hefur setið í aðalstjórn KSÍ frá 2007 og verið varaformaður sambandsins frá 2015. Vignir Már hefur setið í aðalstjórn KSÍ frá 2007 og verið undanfarið formaður mótanefndar og landsliðsnefndar U21 karla.
