Knattspyrna á afreksstigi - Fyrirlestur í Háskóla Reykjavíkur 14. febrúar

Mario Tomljnovic, prófessor í íþróttafræði við Háskólann í Split í Króatíu, heldur fyrirlesturinn Knattspyrna á afreksstigi í Háskóla Reykjavíkur fimmtudaginn 14. febrúar.

Í fyrirlestri sínum ætlar Mario Tomljnovic að fjalla um mikilvæg atriði þegar kemur að þjálfun og utanumhald afreksliða í knattspyrnu. Er mikilvægt að leggja áherslu á að nota hátækni til hins ítrasta þegar kemur að því að skara framúr? Hátækni eins og mæla öll hlaup leikmanna inn á velli með GPS tækjum, taka reglulega blóðprufur af leikmönnum osfv er notuð víða en þessi tækni getur líka orðið of fyrirferðamikil. Gott skipulag, tékklistar, hlutverkaskipan, fundir og samskipti þjálfarateymis sem inniheldur þjálfara, sjúkraþjálfara, lækna, íþróttafræðinga, næringafræðinga og sálfræðinga er kannski það sem ætti að leggja fyrst og fremst áherslu á.

Mario er prófessor í íþróttafræði við háskólann í Split, Króatíu. Þar kennir hann námskeið eins og styrktarþjálfun, þjálfunarfræði og leiðtogafærni og þjálfun í íþróttum. Hann starfar einnig sem fyrirlesari hjá króatíska knattspyrnusambandinu. Mario hefur einnnig starfað hjá knattspyrnuliði Hajduk Split sem yfirmaður maður afreks og styrktarþjálfunar.

Stofa: V110

Dagsetning: 14.02.2019

Tími: 12:10 - 13:10

Þjálfarar með KSÍ/UEFA A þjálfararéttindi fá tvö endurmenntunarstig sitji þeir fyrirlesturinn.

Arnar Bill Gunnarsson, fræðslustjóri KSÍ, verður á staðnum og skráir þá sem mæta.

• Fræðsla