.jpg?proc=1152)
Ársmiðasala fyrir undankeppni EM 2020
Sala ársmiða á alla heimaleiki Íslands í undankeppni EM 2020 hefst þriðjudaginn 11. desember á Tix.is. Leikirnir fara allir fram innan ársins 2019. Smellið hér til að skoða leikina.
Áskrift að hverju augnabliki strákanna okkar á Laugardalsvelli 2019
Íslendingar gleyma líklegast aldrei EM-ævintýri karlalandsliðsins í Frakklandi 2016 eða þátttöku þeirra á HM sl. sumar. Nú þurfum við öll að hjálpast að við að endurtaka leikinn og koma strákunum okkar á EM 2020.
KSÍ býður til sölu ársmiða á alla fimm heimaleiki Íslands í undankeppni EM 2020, sem fara fram á Laugardalsvelli frá júní fram í október 2019. Ársmiðahafar fá kort með nafninu sínu og upplýsingum um sæti. Kortið verður strikamerkt og gildir sem aðgöngumiði á alla leikina.
Ársmiðarnir verða afhentir (eða sendir í pósti) í gjafaöskju með óvæntum glaðningi. Tilvalin jólagjöf fyrir allt knattspyrnuáhugafólk!
Auk þess að tryggja ársmiðahafa sæti á öllum heimaleikjum Íslands í undankeppni EM 2020 fá korthafar aðgang að opinni æfingu liðsins á árinu 2019. Errea veitir ársmiðahöfum 15% afslátt af landsliðsvörum. Þá geta heppnir ársmiðkaupendur átt von á að vinna baksviðspassa Vodafone á heimaleikjum.
Hægt er að kaupa 4 ársmiða í hverri pöntun og í boði eru sæti í öllum verðsvæðum. Með því að kaupa ársmiða færðu 20% afslátt af almennu miðaverði
.jpg)
Auk þessa er veittur 50% afsláttur fyrir börn (16 ára og yngri).
Í kaupferlinu er gert ráð fyrir að valin séu sæti sem ársmiðahafi fær á öllum leikjum undankeppninnar. Þurfa kaupendur að skrá nöfn allra ársmiðahafa en nöfnin munu koma fram á korti hvers og eins.
Eingöngu er um að ræða ársmiðasölu að þessu sinni. Sala á staka leiki verður auglýst síðar.
