Leikið gegn Katar á mánudag
A landslið karla mætir Katar í vináttuleik í Eupen í Belgíu á mánudag og hefst leikurinn kl. 18:30 að íslenskum tíma (beint á Stöð 2 Sport). Leikið verður á heimavelli belgíska liðsins KAS Eupen, sem er í efstu deildinni í Belgíu. Leikvangurinn heitir Kehrweg Stadion og tekur um 8.400 áhorfendur. Ísland hefur einu sinni áður mætt Katar og var það á sama tíma fyrir ári síðan, þegar liðin gerðu 1-1- jafntefli í Katar.
Þetta er síðasti leikur íslenska liðsins á árinu, en dregið verður í undankeppni EM 2020 í Dublin 2. desember, og verður Ísland þar í 2. styrkleikaflokki.
