mið. 24. okt. 2018

Fjármagn frá UEFA og KSÍ til íslenskra félagsliða

Framlög frá UEFA og KSÍ til barna- og unglingastarfs aðildarfélaga KSÍ.

UEFA hefur ákveðið, líkt og áður, að hluti af þeim tekjum sem sambandið hafði af Meistaradeild UEFA (Champions League) 2017/2018 skuli renna til félaga í öllum aðildarlöndum UEFA til eflingar knattspyrnu barna- og unglinga. Uppgjör vegna Meistaradeildarinnar sem lauk vorið 2018 hefur nú farið fram og fá íslensk félög um 60 milljónir króna (miðað við gengi 23. október 2018) í sinn hlut til barna- og unglingastarfs.

Samkvæmt ákvörðun UEFA skulu öll framlög vegna Meistaradeildar UEFA til barna – og unglingastarfs renna til félaga í efstu deild. Framlag UEFA skiptist því á milli félaga í Pepsi-deild karla.

Stjórn KSÍ hefur samþykkt að leggja til um 58 milljónir króna til viðbótar til barna-og unglingastarfs sem skiptist á milli aðildarfélaga í öðrum deildum og utan deilda. Samþykkt stjórnar KSÍ byggir á samráði við aðildarfélögin og almennri sátt um skiptingu fjármunanna.

Greiðslan til félaganna skal renna óskipt til eflingar knattspyrnu barna og unglinga frá yngstu iðkendum til og með 2. aldursflokks karla og kvenna. Samtals er því framlag til barna- og unglingastarfs fyrir árið 2018 áætlað um 118 milljónir króna.

UEFA setur eftirfarandi skilyrði fyrir greiðslu sinni til félaga í Pepsi-deild karla:

1. Greiðslan fer í gegnum viðkomandi knattspyrnusamband.

2. Aðeins félög sem leika í efstu deild og uppfylla lágmarks kröfur leyfiskerfis viðkomandi knattspyrnusambands varðandi barna- og unglingastarf geta fengið greiðslu.

3. Fjárhæðin skiptist á milli félaganna samkvæmt ákvörðun stjórnar viðkomandi sambands.

4. Félög sem tóku þátt í riðlakeppni Meistara-eða Evrópudeild UEFA 2017/2018 skulu ekki fá hlutdeild í þessari greiðslu.

Í samræmi við ofangreind skilyrði ákvað stjórn KSÍ að framlag UEFA rynni til þeirra félaga sem léku í Pepsi-deild karla árið 2018 en í þeirri deild hefur KSÍ innleitt leyfiskerfi (m.a. kröfur um samþykkta áætlun um uppeldisstarf).

Samþykkt stjórnar KSÍ um úthlutun fjármagns UEFA og KSÍ til barna- og unglingastarfs 2018:

1. Framlag UEFA til aðildarfélaga til eflingar knattspyrnu barna- og unglinga rennur til þeirra félaga sem léku í Pepsi-deild karla árið 2018. Félög úr Pepsi-deild fá kr. 5.299.290 hvert (miðað við gengi 23. október 2018). Úthlutun er háð því að félög haldi úti starfsemi í yngri flokkum og hafi samþykkta áætlun um uppeldisstarf skv. leyfisreglugerð KSÍ. Framlag UEFA rennur einungis til félaga í Pepsi-deild karla skv. ákvörðun UEFA.

2. Framlag KSÍ til eflingar knattspyrnu barna og unglinga að upphæð um 58 milljónum króna rennur til félaga í 1. deild karla, 2. deild karla, 3. deild karla, 4. deild karla og aðildarfélaga KSÍ utan deilda 2018. Hvert félag í Inkasso-deildum fær kr. 2.400.000, félag í 2. deild karla fær kr. 1.500.000 önnur félög í deildarkeppnum og félög utan deildarkeppni kr. 1.000.000. Úthlutun er háð því að félög haldi úti starfsemi í yngri flokkum beggja kynja og skulu félög sem eru utan deildarkeppni (eða eru ekki með starfsemi hjá báðum kynjum) framvegis sækja um styrk til barna- og unglingastarfs og sýna fram á starfsemi sína.

3. Greiðslan til félaganna skal renna óskipt til eflingar knattspyrnu barna og unglinga frá yngstu iðkendum til og með 2. aldursflokks karla og kvenna.

4. Dæmi um kostnaðarliði í þessu starfi eru laun þjálfara, ferðakostnaður vegna þátttöku í keppni, aðstöðuleiga, kaup á tækjum og áhöldum.

Rétt er að fram komi að þegar um samstarfsfélög er að ræða hljóta þau félög er að því samstarfi standa styrk ef þau sinna barna- og unglingastarfi.

Eftirfarandi tafla sýnir greiðslur í milljónum króna frá UEFA vegna Meistaradeildarinnar 2017/2018 og frá KSÍ til barna- og unglingastarfs aðildarfélaga KSÍ. Styrkurinn kemur til greiðslu í nóvember 2018.

Pepsi-deild karla (framlag UEFA) - Upphæð*

*með fyrirvara um gengi þegar greiðsla berst frá UEFA

Pepsi-deild kvenna og Inkasso - Upphæð

Fjármagn frá UEFA og KSÍ til íslenskra félagsliða

Mót

Flýtileiðir

KSÍ