Fulltrúar FIFA í heimsókn á Íslandi
KSÍ var nýlega valið af Alþjóða knattspyrnusambandinu (FIFA) til að taka þátt í nýju tilraunaverkefni FIFA um kvennaknattspyrnu og í dag var haldin vinnustofa með félögunum í Pepsi deild kvenna.
Til landsins komu frá FIFA þau Emily Shaw og Andres Portabella, en ásamt því að halda vinnustofu með félögum héldu þau fundi með KSÍ og fóru í heimsóknir til tveggja félaga, Breiðablik og Selfoss.
Sex knattspyrnusambönd, eitt frá hverju álfusambandi, hafa verið valin til þátttöku í verkefninu en markmið FIFA með því er að styrkja kvennaknattspyrnu víðsvegar um heiminn með hjálp leyfiskerfis.
FIFA kemur til með að fjármagna verkefnið að öllu leyti og starfa að hluta til með KSÍ á meðan verkefninu stendur. Verkefnið mun í meginatriðum snúa að því að sinna greiningarvinnu vegna leyfiskerfis fyrir efstu deild kvenna hér á landi.
