Afhending miða á leik A karla gegn Belgíu fyrir handhafa A og DE skírteina
Handhafar A og DE skírteina frá KSÍ fá afhenta aðgöngumiða á leiki A landsliðs karla gegn Belgíu í Þjóðadeild UEFA föstudaginn 7. september kl. 12:00 á hádegi til kl. 16:00, eða á meðan birgðir endast. Miðarnir verða afhentir á skrifstofu KSÍ gegn framvísun skírteinis.
Möguleiki er að panta miða í síma 510-2900 á sama tíma, þ.e. þau sem ekki komast að sækja miða á tilgreindum degi/tíma. Athugið að takmarkað magn af miðum er í boði á þennan leik og athugið jafnframt að einungis er afhentur einn miði til viðkomandi handhafa skírteinis, þ.e. ekki er hægt að panta eða sækja fyrir aðra.
Leikurinn gegn Belgíu fer fram þriðjudaginn 11. september kl. 18:45 og er leikinn á Laugardalsvelli.