Þór/KA Lengjubikarmeistari kvenna
Mynd - Páll Jóhannesson
Þór/KA er Lengjubikarmeistari kvenna en liðið vann Stjörnuna í vítaspyrnukeppni í gær. Leikið var í Boganum á Akureyri.
Það var Stjarnan sem byrjaði leikinn betur og skoraði Harpa Þorsteinsdóttir fyrsta mark leiksins eftir aðeins sex mínútur. Á 27. mínútu jók Katrín Ásbjörnsdóttir forystuna áður en Stephany Mayor minnkaði muninn af vítapunktinum fjórum mínútum síðar. Það var svo Andrea Mist Pálsdóttir sem jafnaði leikinn þegar aðeins 13 mínútur voru eftir af honum.
Staðan 2-2 eftir venjulegan leiktíma og var því gripið til vítaspyrnukeppni sem Þór/KA vann 4-2.
Þetta er í annað sinn sem Þór/KA er Deildarbikarmeistari kvenna.
Til hamingju Þór/KA!
.jpg?proc=760)
