fös. 13. apr. 2018
Fundargerðir

2205. fundur stjórnar KSÍ - 13. apríl 2018

Mættir: Guðni Bergsson formaður, Guðrún Inga Sívertsen, Gísli Gíslason, Ingi Sigurðsson, Ingvar Guðjónsson, Jóhann Torfason, Kristinn Jakobsson, Ragnhildur Skúladóttir, Valgeir Sigurðsson, Vignir Már Þormóðsson, Bjarni Ólafur Birkisson, Björn Friðþjófsson, Tómas Þóroddsson.

Þá sat Klara Bjartmarz framkvæmdastjóri fundinn og ritaði fundargerð.

Fjarverandi: Jakob Skúlason, Borghildur Sigurðardóttir, Magnús Gylfason

Þetta var gjört:

Fundargerð síðasta fundar
- Fundargerð síðasta fundar var þegar samþykkt rafrænt.
Fundargerðir nefnda voru lagðar fram til kynningar.
- Landsliðsnefnd karla 26. mars 2018.
- Leyfisráð 7. & 9. apríl 2018.
- Mannvirkjanefnd 16. mars 2018.
Reglugerðarbreytingar
- Stjórn samþykkti eftirfarandi breytingar á reglugerðum um knattspyrnumót:
  
  Tillaga að breytingu á reglugerð KSÍ um knattspyrnumót
  Bráðabirgðaákvæði 9.2.3. og tillaga að breytingu á grein 9.3
  
  Það sem lagt er til að falli út er rauðmerkt:
  Það sem lagt er til að falli út er grænmerkt:
  
  Tillagan hljóðar svona:
  Bráðabirgðarákvæði 9.2.3 árið 2017, er svohljóðandi:
  Ákvæði til bráðabirgða ~~2017~~
  9.2.3. Noti félag leikmann sem hefur keppnisleyfi en uppfyllir ekki skilyrði greinar 9.2., skal félaginu gefinn frestur til að gera nauðsynlegar úrbætur. Að öðrum kosti skal málinu vísað til aga- og úrskurðarnefndar KSÍ sem skal beita sektum eða eftir atvikum útilokun leikmannsins frá keppni þar til úrbætur hafa verið gerðarVerði svohljóðandi,
  
  Verði svohljóðandi:
  Ákvæði til bráðabirgða 2018
  9.2.3. Noti félag leikmann sem hefur keppnisleyfi en uppfyllir ekki skilyrði greinar 9.2., skal félaginu gefinn frestur til að gera nauðsynlegar úrbætur. Að öðrum kosti skal málinu vísað til aga- og úrskurðarnefndar KSÍ sem skal beita sektum eða eftir atvikum útilokun leikmannsins frá keppni þar til úrbætur hafa verið gerðar
  
  Tillagan hljóðar svona:
  Ákvæði 9.3, er svohljóðandi:
  9.3. Í keppni 7, 8 og 11 manna liða mega varamenn ekki vera fleiri en 5 og skulu þeir skráðir á leikskýrslu sem og nöfn allt að 5 manna í liðsstjórn. Í meistaraflokki mega varamenn þó vera allt að 7 og allt að 7 menn í liðsstjórn. Á leikskýrsluna skal tilgreina kennitölu leikmanna og forráðamanna (fæðingardag í tilfelli útlendinga).
  
  Verði svohljóðandi:
  9.3. Í keppni 7, 8 og 11 manna liða er varamönnum og liðsstjórn heimilt að sitja á varamannabekk. ~~mega~~ vVaramenn mega ekki vera fleiri en 5 og skulu þeir skráðir á leikskýrslu sem og nöfn allt að 5 manna í liðsstjórn. Í meistaraflokki mega varamenn þó vera allt að 7 og allt að 7 menn í liðsstjórn. Á leikskýrsluna skal tilgreina kennitölu leikmanna og forráðamanna (fæðingardag í tilfelli útlendinga).
Stefnumótunarvinna KSÍ og Expectus
- Stjórn samþykkt stefnumótun KSÍ til ársins 2022.
- Í framhaldi af stefnumótun var lagt fram til kynningar nýtt skipurit KSÍ. Ekki er um að ræða veigamiklar breytingar, aðallega er verið að skerpa á skipulagi skrifstofunnar. Framkvæmdastjóra falið að hrinda skipuritinu í framkvæmd.
- Stjórn leggur áherslu á að bæði stefnumótun og skipurit séu lifandi plagg. Þessi gögn verða kynnt á fundum með aðildarfélögum KSÍ.
Skipan nefnda
- Stjórn samþykkti eftirfarandi skipan í nefndir og starfshópa sambandins:
  
  Framkvæmdastjórn
  Guðni Bergsson, formaður
  Guðrún Inga Sívertsen
  Borghildur Sigurðardóttir
  Magnús Gylfason
  Vignir Már Þormóðsson
  Rekstrarstjórn Laugardalsvallar
  Guðni Bergsson, formaður
  Borghildur Sigurðardóttir
  Ingvar Sverrisson
  Klara Bjartmarz
  Ómar Einarsson
  
  Dómaranefnd
  Kristinn Jakobsson, formaður
  Borghildur Sigurðardóttir
  Bragi Bergmann
  Ingi Sigurðsson
  Jón Sigurjónsson
  Sigurður Óli Þorleifsson
  Viðar Helgason
  
  Fjárhagsnefnd
  Borghildur Sigurðardóttir, formaður
  Gísli Gíslason
  Ingi Sigurðsson
  Magnús Gylfason
  
  Fræðslunefnd
  Ragnhildur Skúladóttir, formaður
  Guðni Kjartansson
  Gunnar Már Gunnarsson
  Sigurður Þórir Þorsteinsson
  Örn Ólafsson
  
  Laga- og leikreglnanefnd
  Gísli Gíslason, formaður
  Guðmundur H. Pétursson
  Guðrún Inga Sívertsen
  
  Landsliðsnefnd karla
  Magnús Gylfason, formaður
  Jóhannes Ólafsson
  Ríkharður Daðason
  Rúnar V. Arnarson
  Landsliðsnefnd kvenna (A og U21)
  Guðrún Inga Sívertsen, formaður
  Arna Steinsen
  Íris Sæmundsdóttir
  Katla Guðjónsdóttir
  Ragnhildur Skúladóttir
  
  Landsliðsnefnd U21 karla
  Vignir Þormóðsson, formaður
  Ásgeir Ásgeirsson
  Borghildur Sigurðardóttir
  Gísli Gíslason
  Jónas Þórhallsson
  
  Unglinganefnd karla
  Jóhann Torfason, formaður
  Gunnar Gunnarsson
  Ingvar Guðjónsson
  Jónas Gestur Jónasson
  Marteinn Ægisson
  Pálmi Haraldsson
  Pétur Ólafsson
  Sigurður Örn Jónsson
  
  Unglinganefnd kvenna
  Ragnhildur Skúladóttir, formaður
  Hafsteinn Steinsson
  Hanna Dóra Markúsdóttir
  Jakob Skúlason
  Mist Rúnarsdóttir
  Tómas Þóroddsson
  Viggó Magnússon
  
  Mannvirkjanefnd
  Ingi Sigurðsson, formaður
  Bjarni Þór Hannesson
  Jón Runólfsson
  Margrét Leifsdóttir
  Kristján Ásgeirsson
  Magnús Gylfason
  Þorbergur Karlsson
  
  Mótanefnd
  Vignir Már Þormóðsson, formaður
  Björn Friðþjófsson
  Ingvar Guðjónsson
  Jóhann Ingimundarson
  Róbert Agnarsson
  Sveinbjörn Másson
  Þórarinn Gunnarsson
  
  Samninga- og félagaskiptanefnd
  Guðrún Inga Sívertsen, formaður
  Gísli Hall
  Örn Gunnarsson
  Guðmundur H. Pétursson (til vara)
  Unnar Steinn Bjarndal (til vara)
  
  Útbreiðslunefnd
  Valgeir Sigurðsson, formaður
  Björn Friðþjófsson
  Jakob Skúlason
  Bjarni Ólafur Birkisson
  Tómas Þóroddsson
  Kolbrún Hrund Sigurgeirsdóttir
  
  Heilbrigðisnefnd
  Reynir Björn Björnsson, formaður
  Ásta Árnadóttir
  Friðrik Ellert Jónsson
  Guðrún Sigurðardóttir
  Haukur Björnsson
  Stefán Stefánsson
  
  Nefnd vegna endurskoðunar laga KSÍ
  Gísli Gíslason, formaður
  Feldís Lilja Óskarsdóttir
  Gísli Hall
  Guðjón Bjarni Hálfdánarson
  Jón Rúnar Halldórsson
- Stjórn samþykkt að senda þakkarbréf til þeirra sem hætta í nefndum sambandsins.

Mannvirkjasjóður

32 umóknir frá 22 félögum bárust í mannvirkjasjóð. Heildarupphæð framkvæmda skv. umsóknum eru tæpir 3 milljarðar kr. en til úthlutunar voru 50 milljónir og því þurfti að breyta viðmiðunum við úthlutun frá fyrri árum.
Stjórn samþykkti að óska eftir því við mannvirkjanefnd að nefndin endurskoði reglugerð sjóðsins fyrir næsta ár, m.a. með tillliti til endurnýjunar gervigrasvalla og frekari áherslum á nýframkvæmdir.

Stjórn samþykkti að styrkja eftirfarandi umsóknir með þeim fyrirvara að endurskoða úthlutanir vegna knattspyrnuhúsa þegar líður á árið og umsókn Stjörnunnar varðandi keppnisvöll félagsins.

Umsækjandi	Verkefni	Afgreiðsla stjórnar
Breiðablik	Gervigrasvöllur fyrir æfingar og keppni	8.000.000
Dalvík	Nýr gervigrasvöllur ofl.	10.000.000
Einherji	Vallarhús við íþróttavöll	2.000.000
FH	Knatthús	3.000.000
Fjölnir	Búningsaðstaða æfingasvæði Egilshöll	1.000.000
HK	Upphitun og lýsing á gervigrasvelli	2.000.000
Huginn	Endurgerð vallar	7.000.000
ÍA	Framkvæmdir við aðalvöll	1.000.000
ÍBV	Girðingar í kringum Hásteinsvöll	1.000.000
ÍR	Knatthús	3.000.000
Magni Grenivík	Búningsaðstaða ofl.	4.000.000
Snæfell	Sæti í stúku knattspyrnuvallar	500.000
Víðir Garði	Ný uppsteypt varamannaskýli	500.000
Víkingur Ó.	Gervigras lagt á Ólafsvíkurvöll ofl.	8.000.000
Þróttur Vogum	Fjölmiðaaðstaða, girðing, miðasala ofl.	1.000.000

Málefni Laugardalsvallar
- Guðni Bergsson fór yfir niðurstöður starfshóps um uppbyggingu þjóðarleikvangs fyrir knattspyrnu en hópurinn leggur til að stofnað verði undirbúningsfélag til að undirbúa lokaákvörðun. Bæði Reykjavíkurborg og Ríkisstjórnin hafa samþykkt þá niðurstöðu. Stjórn KSÍ samþykkti að taka þátt í stofnun félagsins.
Landsliðsmál
- Farið yfir úrslit landsleikja frá síðasta stjórnarfundi.
Mótamál
- Drög að handbók leikja voru lögð fram og samþykkt.
- Útreikningar vegna ferðaþátttökugjalda deilda lagðir fram til kynningar. Stjórn samþykkti að vísa málinu til fjárhagsnefndar til skoðunar.
- Vignir Már Þormóðsson formaður mótanefndar fór yfir stöðuna í mótamálum. Verið er að leggja lokahönd á undirbúning komandi tímabils. Rýnifundur varðandi Lengjubikarinn verður fljótlega.
Dómaramál
- Kristinn Jakobsson formaður dómaranefndar kynnti stjórn lokaundirbúning dómara fyrir mót. Gott starf er að skila árangri í betur undirbúnum dómurum.
- Kristinn ræddi um framlag Gylfa Þórs Orrasonar vegna útgáfu knattspyrnulaganna. Stjórn þakkar Gylfa fyrir hans mikla framlag við útgáfuna.
- Rætt um samning við Félag Deildadómara en það á eftir að fínpússa samninginn.
Önnur mál
- Rætt um tilboð um samstarfssamning frá veðmálafyrirtæki í Kína. Stjórn einhuga um hafna slíkum tilboðum.
- 3. og 4. apríl sl. komu endurskoðendur á vegum FIFA til KSÍ og endurskoðuðu reikninga KSÍ og fylgiskjöl. Markmiðið er að skoða hvort að þeir styrkir FIFA sem veittir eru til aðildarsambanda fari í þau verkefni sem sótt er um fyrir. Niðurstaðan FIFA var að bókhald KSÍ sé í góðu lagi og brugðist hefur verið við ábendingum frá síðustu skoðun.
- Nýja heimasíðan opnaði fimmtudaginn 5. apríl og hefur hún vakið góð viðbrögð hjá notendum. Tölfræði í öllum lykilflokkum er jákvæð eftir að ný síða var tekin í gagnið. Það eru flokkar eins og notendur, nýir notendur, fjöldi síðna sem hver skoðar í hvert skipti, lengd tíma sem fólk eyðir á hverri síðu o.fl. Í þessari viku hafa t.a.m. 22,306 notendur farið inn á síðuna, samanborið við 14,076 sem fóru inn á gömlu síðuna síðustu vikuna sem hún var opin. Þess má geta að ný síða er byggð þannig að hún virkar fullkomnlega í öðrum tækjum en tölvum, s.s. farsímum og spjaldtölvum. Mikilvægi þess sést best í því að síðustu vikuna hafa rúmlega 47% þeirra sem farið hafa inn á síðuna verið í farsímanum, 46% í tölvu og um 6% í spjaldtölvum.
- Minnisblað frá Inga Sigurðssyni. Ingi fór yfir atriðin á minnisblaði sínu. 1. Endurgreiðsla á virðisaukaskatti til íþróttahreyfingarinnar vegna uppbyggingu mannvirkja. 2. Ferðakostnaður félaganna. 3. Heimsóknir til félaganna. Setja upp plan varðandi heimsóknir til félaganna. Formanni og framkvæmdastjóra falið að skipta málunum milli stjórnarfólks og skipa ábyrgðarmenn með hverjum lið.
- Rætt um samstarf við ÍTF. Formanni og framkvæmdastjóra var valið að skipa ábyrgðarmann með samstarfinu.
- Mánudaginn 9. apríl 2018 heimsóttu Klara Bjartmarz framkvæmdastjóri KSÍ og Haukur Hinriksson lögræðingur KSÍ Útlendingastofnun. Tilgangur fundarins var í meginatriðum að ræða og spyrja út í umsóknir íþróttafélaga um atvinnu- og dvalarleyfi fyrir leikmenn. Félög hafa mikið haft samband við KSÍ á undanförnum vikum og kvartað undan seinagangi við afgreiðslu umsókna og kostnaði við flýtimeðferð sem er kr. 45.000. Þær fregnir fengust að fjöldi umsókna hefur aukist verulega á undanförnum árum hjá Útlendingastofnum og þess vegna hefur umsóknarferlið lengst. Þ.e. nú gefa þeir upp að afgreiðsla hverrar umsóknar getur tekið allt að 90 daga. Ef umsóknarferlið á að taka styttri tíma en þessa 90 daga þá stendur aðilum til boða að borga fyrir flýtimeðferð. Þessi heimild fyrir flýtimeðferð er ný af nálinni og er heimild fyrir henni að finna í útlendingalögum og fjárlögum. Með því að fara þá leið þá gefa þeir sér 10 daga fyrir hverja umsókn, af því gefnu að öll gögn séu í lagi.
- Erindi frá KF vegna sekta vegna ólöglegs leikmanns í Lengjubikarnum. Sektin stendur.
- Lagt fram erindi frá Fram og Víking vegna afhendinga heiðursmerkja á afmælum félaganna. Gísla, Vigni og Klöru falið að fara yfir listana frá félögunum. Stjórn leggur áherslu á að heiðursmerki KSÍ séu sjálfboðaliðamerki.