U16 karla - 1-1 jafntefli gegn Búlgaríu í síðasta leiknum á UEFA Development Tournament
U16 ára lið karla gerði 1-1 jafntefli við Búlgaríu í síðasta leik liðsins á UEFA Development Tournament, en leikið var í Gargzdai í Litháen. Það var Bjartur Bjarmi Barkarson sem skoraði mark Íslands í síðari hálfleik. Strákarnir enda því í fyrsta sæti riðilsins.
Farið var í vítakeppni eftir leikinn, en úrslitin úr þeim eru aðeins notuð til að útkljá ef lið eru jöfn að stigum. Strákarnir gerðu sér lítið fyrir og unnu keppnina 3-1, en það voru Danijel Dejan Djuric, Elmar Þór Jónsson og Orri Hrafn Kjartansson sem skoruðu mörk Íslands þar.
Þeir höfðu áður unnið Eistland, 2-1, og Litháen, 3-0.
Frábær frammistaða hjá liðinu!
