U21 karla - Írar höfðu betur í Dublin
Strákarnir í U21 biðu lægri hlut gegn Írum í vináttulandsleik sem fram fór í Dublin í kvöld, Lokatölur urðu 3 - 1 fyrir heimamenn, sem leiddu 2 - 0 í leikhléi.
Heimamenn fengu svokallaða óskabyrjun þegar þeir komust yfir strax á fyrstu mínútu leiksins. Þeir bættu svo við marki skömmu fyrir leikhlé og leiddu þv´´i með tveimur mörkum þegar gengið var til búningsherbergja. Stefán Alexander Lubicic, minnkaði muninn á 63. mínútu með góðu marki eftir laglega sókn. Íslenska liðið sótti töluvert, sérstsaklega í síðari hálfleik en það voru Írar sem áttu lokaorðið í uppbótartíma.
Leikurinn var undirbúningur fyrir leik gegn Norður Írum í undankeppni EM sem fram fer á þriðjudaginn. Með sigri í þeim leik geta Íslendingar skotist upp fyrir Norður Íra í annað sæti riðilsins en Spánverjar eru í efsta sæti með fullt hús stiga.
