A kvenna - Ísland mætir Japan á föstudaginn í öðrum leik sínum á Algarve Cup
A landslið kvenna mætir Japan á föstudaginn í öðrum leik sínum á Algarve Cup.
Leikurinn fer fram á Est. Bela Vista Parchal og hefst klukkan 15:25 að íslenskum tíma.
Ísland mætti Danmörku í fyrsta leik sínum á mótinu á miðvikudaginn og gerði þar markalaust jafntefli. Sama dag tapaði Japan 6-2 gegn Hollandi. Japan er í níunda sæti heimslista FIFA.
Þetta er í þriðja sinn sem liðin mætast, en báðir leikirnir til þessa hafa farið fram á Algarve Cup og var það árin 2015 og 2017. Báðir leikirnir töpuðust 0-2.
Dómari leiksins er Maria Carvajal frá Síle. Henni til aðstoðar eru Leslie Vasquez og Loreto Toloza, einnig frá Síle. Fjórði dómari er Monika Mularczyk frá Póllandi.
