Tillögur á 72. ársþingi KSÍ
72. ársþing KSÍ verður haldið á Hilton Reykjavík Nordica þann 10. febrúar nk. Sambandsaðilar eru beðnir um að kynna sér eftirfarandi upplýsingar og gögn:
1. Tillögur
Hér að neðan má sjá tillögur sem KSÍ hafa borist og teknar verða til afgreiðslu á ársþinginu. Tillögurnar hafa verið sendar bæði til héraðssambanda og íþróttabandalaga sem og til allra félaga sem hafa verið þátttakendur í knattspyrnumótum á vegum KSÍ sl. ár. Þess er vænst að tillögunum sé komið sem fyrst til væntanlegra þingfulltrúa, þannig að þeir hafi tök á að kynna sér þær vel áður en á ársþing er komið.
Tillaga að lagabreytingu - Heildarbreyting (Stjórn KSÍ)
Tillaga að lagabreytingu - Fjölgun liða í 3. deild (Reynir Sandgerði)
Tillaga til ályktunar - Kröfuréttindi og skráning samninga (ÍBV) (Dregin til baka)
Tillaga til ályktunar - Skoska leiðin (Stjórn KSÍ)
2. Kjörbréf
Hjálagt er kjörbréf til héraðssambanda og íþróttabandalaga og er þess óskað að þau verði fyllt út með nöfnum fulltrúa og varafulltrúa og afrit sent til KSÍ í síðasta lagi 6. febrúar nk. Óskað er eftir að allir aðilar tryggi að svo verði gert. Upplýsingar um fjölda fulltrúa fylgir og hjálagt. Vinsamlegast hafið samband við skrifstofu KSÍ ef óskað er eftir rafrænu eintaki af kjörbréfi (s. 510-2900, margret@ksi.is).
3. Dagskrá
Þingið verður sett kl. 11:00 laugardaginn 10. febrúar og gert er ráð fyrir að því ljúki um kl. 16:00 sama dag. Um kvöldið er þingfulltrúum boðið í fordrykk og kvöldverð. Fordrykkur hefst kl. 19:00 á Hilton Reykjavik Nordica og kvöldverður kl. 20:00. Félög geta keypt miða fyrir aðra gesti hjá Ragnheiði Elíasdóttur, s. 510-2905, ragnheidur@ksi.is.
4. Skuldir
Aðildarfélög fá send yfirlit yfir fjárhagslega stöðu aðildarfélagsins gagnvart KSÍ miðað við 31. des. sl. Þau félög sem skulda eru beðin um að greiða skuldina eða semja um greiðslu hennar fyrir 10. febrúar nk. því eins og fram kemur í lögum KSÍ, geta þau félög sem skulda KSÍ ekki átt fulltrúa á ársþingi.
