Byrjendanámskeið fyrir dómara haldið hjá Fjölni í Egilshöll fimmtudaginn 11. janúar
Námskeiðið er haldið af KSÍ í samvinnu við Fjölni og hefst kl. 18:00. Námskeiðið stendur yfir í um tvær klukkustundir og er öllum opið sem náð hafa 15 ára aldri.
Á námskeiðinu er lögð aðaláhersla á knattspyrnulögin, en auk þess verður farið yfir ýmiss konar kynningarefni, fræðsluefni, skýringar og skýringarmyndir.
Námskeiðinu lýkur með skriflegu prófi og er það ókeypis. Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.
100% viðvera á námskeiðinu er skilyrði.
Skráning er hafin á magnus@ksi.is
