HM 2018 - Annar hluti miðasölu hefst fimmtudaginn 16. nóvember
Fimmtudaginn 16. nóvember opnar FIFA annan hluta miðsölu á HM í Rússlandi 2018. Miðasalan opnar kl. 09:00 (að íslenskum tíma) á FIFA.com/tickets og stendur þessi hluti miðasölunnar til 28. nóvember.
Minnt er á að aðalhluti miðasölu til stuðningsmanna Íslands mun fara fram á miðasöluvef FIFA og hefst sú miðasala 5. desember og mun standa til 31. janúar.
FAN ID
Til að fá aðgang að leikjum á HM 2018 þurfa miðahafar einnig að hafa svokallað FAN ID sem hægt er að sækja um eftir að staðfesting á miðakaupum hefur borist frá FIFA.
