Eins marks tap gegn Tékklandi í Doha
A landslið karla mætti Tékklandi í vináttuleik í Doha í Katar í dag og beið lægri hlut. Tékkar unnu með tveimur mörkum gegn einu. Ísland mætir heimamönnum í Katar í sínum næsta leik, á þriðjudag, en í millitíðinni mætast Tékkland og Katar.
Íslenska liðið átti fína spretti í leiknum og fékk nokkur fín tækifæri til að skora, í báðum hálfleikjum. Tékkar skoruðu mark eftirstundarfjórðung, en það var dæmt af vegna rangstöðu. Þeir brutu hins vegar ísinn á 19. mínútu með skallamarki af markteig og leiddu í hálfleik.
Síðari hálfleikur var um margt líkur þeim fyrri. Tékkar voru meira með boltann, en íslenska liðið átti fleiri færi. Tékkar juku forystuna á 65. mínútu en Kjartan Henry Finnbogason minnkaði muninn á 77. mínútu. Þar við sat þrátt fyrir fleiri íslensk færi og niðurstaðan því 1-2 tap.
Rúnar Alex Rúnarsson lék sinn fyrsta A-landsleik í dag.
