U15 karla - 7-0 sigur í seinni leiknum gegn Færeyjum
U15 ára lið karla vann í gær, sunnudag, 7-0 sigur á Færeyjum í seinni æfingaleik liðanna. Leikurinn fór fram í Akraneshöllinni og hófst klukkan 14:00.
Líkt og á föstudaginn var Ísland mun sterkari aðilinn í leiknum og hafði stjórn á honum allan tímann. Íslenska liðið skoraði þrjú mörk í fyrri hálfleiknum, en þau voru öll af vítapunktinum.
Í öll þrjú skiptin var það Danijel Dejan Djuric sem steig á punktinn og skoraði.
Ísland hélt áfram að stjórna leiknum í seinni hálfleik og það tók aðeins 12 mínútur að skora fjórða markið, en það var Jón Hrafn Barkarson sem skoraði það. Aðeins þremur mínútum síðar bætti Ísak Bergmann Jóhannesson við fimmta markinu.
Tómas Þórisson og Guðmundur Tyrfingsson skoruðu svo sjötta og sjöunda mark liðsins með þriggja mínútna millibili á 68 og 71 mínútu leiksins.
Frábær 7-0 sigur staðreynd og tveir góðir sigrar gegn Færeyjum staðreynd.
Byrjunarlið Íslands:
Krummi Kaldal Jóhannsson
Sverrir Hákonarson
Reynir Freyr Sveinsson
Ísak Bergmann Jóhannesson (fyrirliði)
Danijel Dejan Djuric
Eyþór Orri Ómarsson
Ívan Óli Santos
Óli Valur Ómarsson
Tómas Þórisson
Jóhannes Breki Harðarson
Anton Logi Lúðvíksson
Áfram Ísland!
