Kynferðislegt ofbeldi í íþróttum - bæklingur um forvarnir frá ÍSÍ
Í ljós umræðunnar undanfarið um kynferðislegt ofbeldi má benda á bækling hjá ÍSÍ um kynferðislegt ofbeldi í íþróttum sem gefinn var út í árslok 2013.
Þessi bæklingur fjallar um forvarnir gegn kynferðislegu ofbeldi á börnum og unglingum í íþróttum og er byggður á bæklingi sem gefinn var út af Íþrótta- og Ólympíusambandi Danmerkur.
Hann var síðan staðfærður svo að hann passaði inn í þær aðstæður sem eru innan íþróttahreyfingarinnar á Íslandi og samræmdist íslenskri löggjöf. Fjöldi sérfræðinga veitti aðstoð við útgáfu bæklingsins.
Markmið með útgáfu bæklingsins var að:
· Auka meðvitund íþróttafélaga um að kynferðislegt ofbeldi getur átt sér stað á þeim vettvangi eins og öðrum
· Hvetja íþróttafélög til umræðna um hvernig hægt sé að fyrirbyggja kynferðisofbeldi
· Fræða þjálfara, stjórnendur og sjálfboðaliða um hvað átt sé við þegar talað er um kynferðislega misnotkun
· Fræða þjálfara, stjórnendur og sjálfboðaliða um þau lagaskilyrði sem gilda um kynferðisleg samskipti við börn.
Nánari upplýsingar má finna á heimasíðu ÍSÍ hér
Einnig er hægt að hafa samband við skrifstofu ÍSÍ og fá bæklinginn sendan í prentaðri útgáfu.
.jpg?proc=760){kind=logo}
