Þjóðadeild UEFA - Ísland í Deild A
UEFA staðfesti í dag skiptingu liða í hina nýju Þjóðadeild, UEFA Nations League, og verður dregið í riðla 24. janúar næstkomandi.
Ásamt Íslandi í deild A verða Þýskaland, Portúgal, Belgía, Spánn, Frakkland, England, Sviss, Ítalía, Pólland, Króatía og Holland.
Þessum liðum verður skipt niður í fjóra riðla sem hver inniheldur þrjú lið. Sigurvegari hvers riðils fer í úrslitakeppni í júní 2019 þar sem barist verður um sigur í keppninni.
Þau fjögur lið sem lenda í neðsta sæti í sínum riðlum falla niður í deild B.
Frekar upplýsingar um Þjóðadeildina má finna á vef UEFA:
