U17 kvenna - 2-1 tap fyrir Spáni í lokaleik riðilsins
U17 ára lið kvenna lék í dag síðasta leik sinn í riðlinum í undankeppni EM 2018 og voru mótherjar dagsins Spánn. Leikið var í Azerbaijan og hófst leikurinn klukkan 15:00.
Ísland var fyrir leikinn þegar komið í milliriðla, eins og Spánn. Ísland vann Azerbaijan 2-0 og Svartfjallaland 6-0 á meðan Spánn vann Svartfjallaland 22-0 og Azerbaijan 3-0.
Leikurinn í dag endaði með 2-1 sigri Spánverja, en það var Karólína Lea Vilhjálmsdóttir sem skoraði mark Íslands eftir 32 mínútur.
Spánn var töluvert betri aðilinn í leiknum og áttu 12 marktilraunir gegn þremur hjá Íslandi.
Byrjunarlið Íslands í dag:
Markmaður - Auður Sveinbjörnsdóttir Scheving
Vinstri bakvörður - Íris Þórðardóttir
Hægri bakvörður - Karólína Jack, fyrirliði
Miðverðir - Katla Þórðardóttir og Hildur Þóra Hákonardóttir
Miðja - Ísafold Þórhallsdóttir, Clara Sigurðardóttir og Karólína Lea Vilhjálmsdóttir
Hægri kantur - Barbára Gísladóttir
Vinstri kantur - Áslaug Munda Gunnlaugsdóttir
Framherji - Helena Ósk Hálfdánardóttir
Áfram Ísland!
