U19 kvenna - Tap fyrir Þjóðverjum í síðasta leik, 0-1
U19 ára lið kvenna lék á mánudaginn síðasta leik sinn í undanriðli sínum fyrir EM 2018.
Mótherjar liðsins í dag voru Þýskaland og tapaðist leikurinn 0-1.
Stelpurnar okkar geta verið stoltar af sínu framlagi í dag, en þær gáfu mjög sterku heimaliði ekkert eftir.
Ísland hafði unnið fyrstu tvo leiki sína í riðlinum, 7-0 gegn Svartfjallalandi og 2-0 gegn Kosóvó. Því var um úrslitaleik um fyrsta sæti riðilsins að ræða, en bæði lið voru komin áfram í milliriðla fyrir leikinn.
Áfram Ísland!
