A karla - Ísland mætir Finnlandi á laugardag
.jpg)
A-landslið karla mætir Finnlandi á morgun, laugardaginn 2. september, í undankeppni HM 2018. Leikurinn fer fram í Tampere í Finnlandi og hefst klukkan 16:00 að íslenskum tíma.
Ísland situr í öðru sæti riðilsins, jafnt að stigum og Króatía. Finnland er í fimmta sæti, með eitt stig.
Fyrri leikur liðanna fór fram á Laugardalsvelli 6. október síðastliðinn, en þá vann Ísland 3-2 sigur eftir að hafa skorað tvö mörk í uppbótartima.
Síðan þá hafa Finnar skipt um þjálfara, en Markku Kanerva hefur tekið við stjórn liðsins af Hans Backe. Síðan hann tók við stjórn liðsins hefur það leikið fjóra æfingaleiki. Í þeim hefur liðið unnið einn, gert tvö jafntefli og tapað einum.
Leikurinn er að sjálfsögðu gríðarlega mikilvægur fyrir Ísland í baráttu sinni að komast í fyrsta sinn í lokakeppni HM.
Áfram Ísland!
