U16 karla - Ísland gerði jafntefli við Noreg
Opna Norðurlandamót U17 drengja hélt áfram í dag þegar 2. umferð riðlakeppninnar var leikin. Mótið fer fram hér á landi, á Suðurnesjum og Suðurlandi.
Strákarnir okkar léku í dag við Noreg og fór leikurinn 1-1, en leikið var á Vogabæjarvelli. Guðmundur Axel Hilmarsson skoraði jöfnunarmark Íslands, en Norðmenn höfðu komist yfir sjö mínútum fyrr.
Ísland vann svo vítaspyrnukeppnina í lok leiks, 6-5, en hafni liðin með jafn mörg stig í riðlinum verður Ísland ofar vegna sigursins í henni.
Í sama riðli mættust Pólland og Norður Írland þar sem Pólverjar unnu nokkuð sannfærandi, 4-1.
Í hinum riðlinum voru einnig tveir leikir, en leikið var í Þorlákshöfn. Í fyrri leiknum mættust Færeyjar og Finnland og endaði sá leikur með finnskum sigri, 2-1.
Seinni leikurinn var stórleikur Danmerkur og Svíþjóðar þar sem Danir unnu 1-0.
Næstu leikir á mótinu eru á fimmtudaginn.
.jpg?proc=760)
.jpg?proc=760)
