Ísland mætir Írlandi í kvöld í vináttulandsleik - Byrjunarliðið
Ísland mætir Írlandi í kvöld í vináttulandsleik en leikið verður á Tallagth vellinum í Dublin. Leikurinn hefst kl. 19:30 að staðartíma eða kl. 18:30 að íslenskum tíma. Þetta er fyrri vináttulandsleikurinn á nokkrum dögum sem Ísland leikur en á þriðjudaginn tekur Ísland á móti Brasilíu á Laugardalsvelli.
Þetta er í fimmta sinn sem þjóðirnar mætast í A landsleik kvenna og hefur Ísland tvisvar farið með sigur af hólmi og tvisvar hefur orðið jafntefli. Síðasti leikur þjóðanna var einkar eftirminnilegur en þá mættust þjóðirnar á Laugardalsvelli í seinni umspilsleik um sæti í úrslitakeppni EM 2009. Fyrri leiknum lauk með 1 - 1 jafntefli en í leiknum á Laugardalsvelli, 30. október 2008, sem oft er nefndur "klakaleikurinn" hafði Ísland betur, 3 - 0 með tveimur mörkum frá Dóru Maríu Lárusdóttur og einu frá Margréti Láru Viðarsdóttur.
Freyr Alexandersson, landsliðsþjálfari, hefur tilkynnt byrjunarliðið og er það þannig skipað:
Byrjunarliðið:
Markvörður: Guðbjörg Gunnarsdóttir
Varnarmenn: Glódís Perla Viggósdóttir, Sif Atladóttir og Ingibjörg Sigurðardóttir
Vængbakverðir: Hallbera Guðný Gísladóttir og Gunnhildur Yrsa Jónsdóttir
Tengiliðir: Sara Björk Gunnarsdóttir, fyrirliði og Sigríður Lára Garðarsdóttir
Framherjar: Fanndís Friðriksdóttir, Katrín Ásbjörnsdóttir og Agla María Albertsdóttir
.jpg?proc=760)
.jpg?proc=760)
.jpg?proc=760)
